Celebración do Día do Libro

E por fin chegou o seu día...

Aínda que este curso estea sendo un pouco raro por esta pandemia que pareza non ter fin, todo o cole disfrutou celebrando o Día do Libro! Este ano  non  se  puido realizar o xa tradicional "Apadriña un lector/a", pero a cambio realizáronse outras gardando o protocolo que resultaron igualmente xeniais! Aquí vos deixamos a crónica deste día marabilloso, o primeiro para a  nosa nova mascota, Roque!

Na entrada do colexio, as nosas portadas favoritas...

O alumnado de sexto curso seleccionou unhas lecturas superdivertidas para lerllas ao resto do colexio. En pequenos grupos todos recibiron   tres lecturas alo menos!

Ademais, presentadores con gravata guiaron dous  "Pasapalabra"  edición especial "Día do Libro", un para infantil e outro para primaria.

Os nenos e nenas de 1º curso divertíronse moito posando para os seus "bookface".

 

Semana da Paz!

Rematamos o mes de xaneiro coa celebración da Paz !Xa vos adiantamos que, seguinto os protocolos de seguridade, Radio Curros comezou a súa andaina co programa adicado a Elmer; o alumnado voluntario de biblioteca fixo a gravación do conto e todo o colexio o escoitou o día no que conmemoramos a Paz. Previamente dende as titorías traballaron o conto e colorearon a Elmer; ademais crearon un amigo para el e entre todos elaboramos o mural "Latexando xuntos".

A viaxe de Pepón

 

Elmer visita o noso colexio!

 

Novembro, Mes da Ciencia en Galego 2020

 Ola, amigos e amigas científicos do Curros!

Este mes de novembro que se acaba de ir, como xa todos sabedes, foi a mes da ciencia! E dende a biblio mandouse unha carta a todos os nenos e nenas para realizar  un experimento chulísimo.

Nas clases falouse do método cientítico  e da capilarede, a propiedade dos líquidos que aprendemos co experimento ao que lle puxemos de nome: "O baile das cores".

Sen máis, aquí vos deixamos o resultado do experimento, pasámolo xenial traballando xunt@s!

Poemas de Samaín

 

Esperemos que disfrutarades destes poemas caseiros e respectando as "burbullas de cada clase". 

Samaín 2020

Ola, nenos e nenas!

Aquí vos deixamos  enlaces para ver películas, escoitar cancións e pasalo de medo!

Enlaces  con recursos varios:

clicar aquí

Curtas de medo:

Canto vos botamos de menos!

 

Amigos e amigas da biblio! 

Comezou o 2020-2021  fai xa máis dun mes e  estarédesvos preguntando  que  é o que pasa  que non hai biblio... :-(  Seguro que algúns tedes resposta..."é polo coronavirus" xustificaredes, botándolle a culpa á palabra máis utilizada nos últimos tempos. Pois si, entre outras razóns. As obras realizadas durante o 2019 e o 2020 no colexio e na biblioteca fixeron que todo se ralentizara, a iso temos que sumarlle a pandemia que nos ocupa na actualidade e xa tedes os motivos polos que a biblio parece que non está... pero si que está!

Aínda que fisicamente aínda non abriu as súas portas, Pepón e unhas colegas andan argallando historias e inventando maneiras de que sintades que este espazo pechado poida formar de novo parte das vosas vidas, aínda que sexa nun principio, virtualmente.

Pedímosvos comprensión porque esta tarefa é moi complicada e tamén temos que utilizar o noso tempo en mercar novos libros chulísimos para todos vós!

Un abrazo grandísimo,

Pepón.