Laboratorio de radio na biblio

Onte @s axudantes da biblio participaron  nun laboratorio de radio, merecido premio  polo seu bo facer no programa  Bibliotecas Escolares  Solidarias 2017-2018.

Lucía e Sergio chegaron desde Santiago coa súa emisora de radio portátil  e a biblio converteuse en Radio Curros por un día .

Ás  10.30 o alumnado axudante da biblio, de quinto curso,  comezou  coas presentacións  e o quecemento inicial.  De seguido veu a técnica vogal: entoación,ritmo,pronunciación...
Unha vez traballado o elemento fundamental  para facer radio os nenós e nenas formaron equipos comezaron  a elaborar o guión : contos con efectos sonoros , entrevistas variadas, libros recomendados , especial Curros Enríquez,  María  Victoria Moreno ...

No recreo botaronse ao patio para  gravar  algunhas das entrevistas  e por fin chegou a parte máis desexada: o programa. Éric e Sandra demostraron todo o que aprenderon  como técnicos,   Aroa Arca e Luis puxeron voz aos presentadores e o resto foi pasando aos micros a expoñer o traballo realizado (Simón, Paula, María e Xiana; Bruno, Fran, Sandra e Lucía; Xoel, Aroa, Hugo e Aitor; Camelia,Alexandra, Sabela, Esther e Miguel; Carmen, Nicole, Iria e Fabien).

Pepón -que todo o presenciou- deuse conta do ben que traballaron en grupo, do xenial que o pasaron e sobre todo, o moito que aprenderon.

Quedounos claro que a radio é un traballo de equipo e estamos desexando que chegue o curso que  vén para volver dicir:

3,2,1...gravando!

Aquí vos deixamos un vídeo resumo do marabilloso día de onte na nosa biblio...