Como biblioteca escolar e centro educativo pensamos que a Paz debe ser, ademais dun fermoso día non que todos/as unimos as nosas voces, unha oportunidade para sensibilizar ao alumnado que por sorte vive alleo a esta negra realidade. Pretendemos tamén coas actividades propostas sementar solidaridade e que xermine neles a necesidade de AXUDAR aos máis necesitados.
Non esquezamos que HOXE OS NENOS/AS do Curros serán os ADULTOS DE MAÑÁ.
A continuación, a crónica da PAZ:
Durante estes días tanto os/as usuarios/as da biblioteca coma as titoras tiveron á súa disposición lecturas recomendadas.
Na entrada do colexio estivo a exposición de fotos :"Un 30 de xaneiro para todos e todas" e a representación do poema "Mar soñado" de J.C. Martín Ramos que contextualiza á perfección o tema a tratar. O alumnado de 5º e 6º púxolle título ás diferentes láminas fotográficas.
Os futuros voluntarios/as de biblio de 4º acompañados por dúas voluntarias de 6º explicaron por megafonía a exposición de fotos e que se celebra o 30 de xaneiro e por que.
Tamén os voluntarios/as lectores de 5ºB prepararon a dramatización dun conto que conta a historia dunha familia que ten que escapar do seu fogar por mor da guerra.
Nuns días colgaremos o vídeo e as fotos das súas representacións para infantil e primaria.
Por último o alumnado de 5º e 6º xogaron ao xogo online:
Agora deixámosvos o mural feito por todo o cole e que iluminou a interpretación da canción deste ano:
Ningún comentario:
Publicar un comentario